كود الرباط ///

البارح 13 نونبر 2023 فاجتماع الاغلبية الحكومية فالرباط حضرو احزاب الحكومة الثلاث: التجمع الوطني للاحرار والبام والاستقلال وحضر كذلك حزب الاتحاد الدستوري اللي كيدير المساندة لهاد الحكومة فشخص امينو العام محمد جودار.

الامين العام للبام عبد اللطيف وهبي كان كيمزح مع جودار وقال ليه “حتى انت خاصنا نعطيوك شي حقيبة” وزارية. جودار ارتجل كلمة باش دخل وقال باللي حزبو ختار “عن وعي وحس وطني أن ندعم هذه الحكومة” واضاف “حنا واخا نكونو فالجهة الأخرى كنقولو باللي العمل الحكومي لحدود الساعة ممتاز وسندعمه وسنظل ندعمه.

طبعا رد عليه حتى هو بالسياسة. باللي حزبو واخا ماشي فالحكومة داعم ليها ماشي بحال شي احزاب =تيار مراكش فالبام= اللي فالحكومة وكيدير ليها مرة مرة المعارضة.

جودار قال باللي لحدود الساعة “الحكومة نجحات فتنزيل مجموعة من المشاريع التي تروم ترسيخ أسس الدولة الاجتماعية التي نادى بها صاحب الجلالة، من بينها تعميم الحماية الاجتماعية”

واقتراح يكون للبرلمانيين لقاءات مع الوزراء للانصات اليهم لحل مجموعة من المشاكل كتهم المواطنين.

وهدر علي قانون المالية وعلي التعليم