عمـر المزيـن – كود//

في خرجة جديدة له، هاجم وزير العدل عبد اللطيف وهبي، خلال حلوله ضيفا على قناة “ميدي1 تيفي” البارح الأحد، هيئة الدفاع، وقال باللي المحامون بغاو إخضاع الدولة لصالحهم، مؤكدا باللي هادشي معمرو غادي يكون.

المسؤول الحكومي ذكر باللي المحامون كلهم جايبين ملاحظات فشكل وبغاو قوانين بالطريقة ديالهوم هوما، قبل مايلوح لهضرة عاود لجمعية هيئات المحامين فالمغرب مني هضر على تسريب شي مسودة قانون بعدما تعرضات عليهم.

تصريحات وهبي الجديدة جات بعدما تسببت تصريحاته السابقة، تحت قبة البرلمان، في أزمة جديدة بينه وبين القضاة، بعد انتقاده للأحكام القضائية التي وصفها بالمبالغ فيها، ما اعتبره القضاة مسا بمبدأ الفصل بين السلط من تدخل وزير ينتمي للسلطة  التنفيذية في شؤون السلطة القضائية.