كود سبور//

عبر محمد وهبي مدرب المنتخب الوطني المغربي لاقل من 20 عام، على الاحترام ديالو لمنتخب سيراليون خصم الأشبال فربع نهائي كاس افريقيا U20، واكد ان المنتخب المغربي غايكون واجد لتحقيق التأهل إلى نصف النهائي والمونديال.

وهضر محمد وهبي فتصريح الموقع الرسمي ديال الجامعة الملكية المغربية لكرة القدم، وقال: “سيراليون منتخب قوي وعندهم لاعبين مزيانين، وخاصنا نكونو واجدين تقنيا وبدنيا حيث هادو هما الحلول ديال هذا الماتش، وراه عندهم لاعبين اللي كايديرو الفرق وربحو مصر بنتيجة 4-1 ومع جنوب افريقيا خسرو 4-1 ولكن راه بدلو اللاعبين وتأهلو بنفس رصيد النقاط اللي تأهلنا به”.

وكمل وهبي وقال: “حنا مركزين على ريوسنا، سيراليون كانعرفوهم من قبل وكانعرفو نقاط القوة ونقاط الضعف ديالهم، وحنا خدامين مع اللاعبين ديالنا باش نوجدوهم بدنيا ونموتيفيوهم والباقي غايكون فالتيران، وحنا دابا مركزين على التأهل للدومي فينال باش نكملو فهدفنا فهاد البطولة ونتأهلو حتى للمونديال، والماتش ضد سيراليون هو مفتاح هذا الشي وخاصنا نربحوه وحنا تايقين فريوسنا”.