كود الرباط//

عبد اللطيف وهبي، وزير العدل، كعا اليوم فالبرلمان، فاش كيناقشو الحدود بين الصحفي المهني واليوتوبر، وقال بلي وصلنا لواحد الحالة خطيرة كيولي فيه البيع والشرا بالابتزاز عن طريق صحافة اليوتيب.

وأوضح وهبي، اليوم بمجلس النواب، “واش هادي بلاد هادي.. خاص نكونو مسؤولين..واش درنا تكميم الأفواه بمحاربة الابتزاز ونشر الإساءة؟”، مضيفا: “حرية التعبير هي انتقاد الوزير.. ماشي تقدم شي حاجة قانونية على أنها جريمة”.

وهبي قال بلي هادشي لي دايرينو شي وحدين ف اليوتيب باسم الصحافة فيه فلوس مكيديروش داكشي في سبيل الله، موضحا :”كيشدو فلوس باش يسبو..ف الحكومات السابقة دارو مصايب.. نحن مسؤولين على هادشي..”.

وهبي اعترف بلي المسؤولية الكبيرة كيتحملها السياسي حيث مكيقولش الحقيقة، وحيث مكيطبقش النقد ف العمل السياسي.

https://www.instagram.com/reel/DF5ngxduQuz/?igsh=ZTVhcGF5bDJxbXI1