كود الرباط//

دافع عبد اللطيف وهبي، وزير العدل، على عبد الوهاب رفيقي (ملقب بأبو حفص)، مستشار ديالو واللي نجح فكونكور المنتدبين القضائيين للي كتشرف عليه وزارة العدل.

وقال وهبي، خلال اجتماع لجنة العدل والتشريع بمجلس المستشارين صباح اليوم، بلي أبو حفص دوز الامتحان ونجح فيه بتفوق وميمكنش نقصيه ولا نرسبو.

وهبي رجع بالبرلمانيين لتاريخ أبو حفص، وقال بلي كان ضحية غرر به وصيفطوه لأفغانستان وموراها تشد ودوز 10 سنين فالحبس، وحاليا للي كيعارضوه ويسبوه هوما لي كانو صيفطوه لأفغانتسنان وقطعو ليا الطيارة، في إشارة إلى الإسلاميين لي كيحرضو على الجهاد.

وشدد وهبي بلي دار اجتماعات مع مسؤولي وزارة العدل باش يشوفو شي طريقة يتم بها إدماج المواطنين لي عندهم سوابق قضائية و يدخلو لسوق الشغل لأنهم متفوقون ولديهم شهادات عليا وميمكنش نخليوهم فالبطالة ويرجعو ثاني للسجن.