گود سبور//

وضح الناخب الوطني محمد وهبي على الحوايج اللي دارو الفرق بين المنتخب المغربي والفرنسي فربع نهائي مونديال 2026.

وقال محمد وهبي خلال ندوة صحافية اليوم الثلاثاء فالرباط ان المنتخب الفرنسي عندو لاعبين نجوم وبتجربة كبيرة، اضافة للانسجام اللي خالقينو بيناتهم وشحال من أعوام وهما كايلعبو بيناتهم، وحنا عندنا لاعبين مازال صغار وكاين فيهم اللي كايلعب اول مرة مع المنتخب وراه لا مجال للدخول فالمقارنة فهاد الشي”.

وكمل وهبي وقال انه طلب من اللاعبين الصغار فالمنتخب المغربي يزيدو يخدمو باش يمشيو لاندية كبيرة، خصوصا وان اللاعبين المغاربة قليل منهم اللي منهم فأنديتهم وهذا الشي اللي محتاجينو باش نطلعو الكاليتي ديال المنتخب ونكونو واجدين لمونديال 2030.

وزاد وهبي وقال: “حنا فالمنتخب المغربي عندنا لاعبين واعرين وقادة ومنهم اشرف حكيمي اللي احسن ظهير ايمن فالعالم، ولكن ما يمكنش تطلب من ظهير ايمن انه يطلع يماركي حيث عندو المهام الدفاعية لها الأولوية، راه قوة المنتخب المغربي فالكوليكتيف”.