الوالي الزاز -گود- العيون ///
[email protected]

أكد الناخب الوطني، محمد وهبي، خلال الندوة الصحفية مساء اليوم الجمعة، قبل الماتش ديال البرازيل غدا السبت، أن المنتخب الوطني واجد للماتش غدا وواجد للبطولة بصفة عامة.

وقال وهبي ردا على سؤال حول وصول المنتخب لهاد البطولة فأتم الجاهزية البدنية والذهنية، أن وضع المنتخب مزيان بزاف، وأنه حط الأسس وواجد، وماتش غدا هو اللي غادي يقول فين وصلنا.

وأضاف أن المنتخب ضد النرويج بان أنه واجد للبطولة، والهدف ديالو أن المنتخب يكون حسن بعد كل ماتش.

وأوضح الناخب الوطني حول غيابات المنتخب، أن گاع اللاعببين فلاليست واجدين لهاد البطولة، مضيفا أنه إضطر باش يبدل جوج لاعبين هوما الزلزولي وأگرد، ولكن كلشي دابا واجد باش يلعبو من غدا.

وأضاف أن شمس الدين الطالبي يعد حل للمنتخب ولكن كاينين لاعبين آخرين.

وتابع وهبي أن الفريق ما غاديش يغير مبادئو فاللعب، والمنتخب بيّن شي حوايج مزيانين، وما معناهش أننا غادي نلعبو أول ماتش غادي نبدلو كلشي فخططنا.

وأكد وهبي أن التغيير اللي طرا فاللائحة لا يغير شيئا من داكشي اللي دربو عليه اللاعبين، وواخا غايب الزلزولي وأگرد ولكن خاص نلقاو الحلول.

وحول قرار إبعاد الزلزولي وأگرد، قال وهبي أنه اجتامع مع اللاعبين وهدر معاهم وقرار إستبعادهم ما كانش ديالو بوحدو وهو قرار خداه الطاقم واللاعبين المعنيين، مضيفا أن أگرد بالخصوص أمد ليه أنه ما قادرش يرجع دابا للمستوى اللي بغاه المدرب يكون فيه، موجها الشكر ليه على هاد الصراحة.