كود سبور//
اعتبر محمد وهبي مدرب المنتخب الوطني المغربي لأقل من 20 عام، أن الماتش ضد مصر فدومي فينال كأس إفريقيا U20 غايكون صعيب بزاف، وأن المصريين عندهم منتخب قوي، ولكن أكد أن المنتخب المغربي واجد وباغي يمشي للفينال ويربح الكأس وأن الأشبال باغيين يكتبو التاريخ.
وخلال الندوة الصحافية اللي كاتسبق ماتش الدومي فينال بين المغرب ومصر فكأس إفريقيا لأقل من 20 عام، قال محمد وهبي: “كانوجدو لهذا الماتش بحال گاع الماتشات اللي لعبنا من قبل وهدفنا هو التأهل للفينال، وحنا فخورين وفرحانين حيث ربحنا فربع النهائي وتأهلنا لمونديال أقل من 20 عام، والهدف ديالنا هو نتأهلو للفينال ونربحوه، وباغيين نمشيو لكأس العالم وحنا أبطال إفريقيا، ونقولو لريوسنا حنا الأبطال وهذا الشي راه مهم”.
وكمل وهبي وقال: “الماتش ضد مصر غايكون صعيب بزاف، وكانحتارمهم بزاف حيث ربحو منتخبات قوية بحال غانا، ولكن حنا واجدين لهم واللاعبين ديالنا باغيين يكتبو التاريخ، وعندنا اللاعبين واجدين وما كاينينش إصابات، واللاعبين ديالنا باغيين الرباح وباغيين غير إمتى يلعبو وحنا تايقين فيهم”.
