گود سبور//

أكد الناخب الوطني محمد وهبي ان نايف أگرد غادي هو غائب الوحيد على المنتخب الوطني المغربي فالماتش ضد منتخب ليسوتو غدا الثلاثاء فجنوب افريقيا، ضمن الجولة الثانية من اقصائيات كاس افريقيا 2027، ومن جهة اخرى اكد وهبي انهم كاينين فجنوب افريقيا باش يربحو ليسوتو، وانهم ما عندهمش مبرر لشي نتيجة اخرى واخا اختلاف الأجواء تماك على المغرب.

ووضح محمد وهبي خلال الندوة الصحافية اليوم الاثنين قبل الماتش، وقال: “ما عندنا حتى شي غيابات باستثناء نايف أگرد، اللي خليناه متبع بروتوكول باش يرجع لنا، ومن غيرو راه كاع اللاعبين تريناو البارح ومتوفرين لينا، وغادي نتسناو الحصة التدريبية ديال اليوم”.

وبخصوص الاجواء ديال الماتش، قال محمد وهبي: “ربحنا الماتش الاول وباغيين نربحو الماتش الثاني، الظروف مختلفة ما بين كل دولة، وخاصنا نتأضبطاو مع الاجواء والجو والگازو وما عندناش مبررات، وخاصنا نبقاو مركزين باش نربحو هذا الماتش، وكانحتارمو الخصم ديالنا منتخب ليسوتو”.