كود سبور//

هضر الناخب الوطني محمد وهبي على حصيلة المنتخب الوطني المغربي فمونديال 2026، ومن بينها اسباب الاقاصاء اللي كان مع فرنسا فربع النهائي،

وقال محمد وهبي خلال الندوة الصحافية اللي كانت اليوم الثلاثاء فمركب محمد السادس بالرباط: “أنا المسؤول على شنو وقع فماتش فرنسا، ودخلنا نلعبو ضدهم كيفما دخلنا نلعبو ضد البرازيل وهولندا ولكن الشخصية القوية ديالنا اللي ما كانتش عندنا فهاد الماتش”.

وزاد: “ما حسيستش ان اللاعبين ما كانوش باغيين يربحو فهاد الماتش، وانا المسؤول”.

ونفى الناخب الوطني محمد وهبي انه كاين شي مشكل ما بينو بين اللاعب سفيان امرابط، وقال انهم متفهم داكشي اللي قال واحد خوه (ماشي نور الدين امرابط) على انه غادي يعتزل دوليا حيث ما كايلعبش.

وقال: “ما كاين حتى شي مشكل مع سفيان أمرابط، غير هو اللاعب كان باغيين يلعب وقت كثر وصافي، المشكل اللي كاين هي كاينة منافسة قوية على البوسط اللي كايلعب فيه امرابط”.

وكمل وهبي وقال: “امرابط لاعب عندو شخصية قوية وجرأة، وانا متفهم داكشي اللي قال خوه وحتى عائلة اللاعبين”.