كود الرباط //

كاين اللي كتخلعهم كلمة “الصحراء الغربية”. هادا راه اسم جغرافي ماشي سياسي. راها اسمها الصحراء الغربية فالجنوب المغربي كيف كاينة صحراء شرقية.

ناضت وكالة الانباء الجزائرية كتقول اش وقع لعقيدة السياسة الخارجية المغربية وشي تخربيق اخر.

دابا بعد خطاب الملك فذكرى المسيرة الخضراء ل6 نونبر ما بقاتش حتى وزارة الخارجية كتسوق للاسم. مادام المغرب فالصحرا وهادي ماشي قضية للتفاوض كيف قال محمد السادس.

وزارة الخارجية البارح فالعشية دارت بيان هدرات فيه على اتصال هاتفي بين وزير الشؤون الخارجية والتعاون الإفريقي والمغاربة المقيمين بالخارج، ناصر بوريطة ووزير الشؤون الخارجية الإيطالي، لويجي دي مايو. طبعا جا فيه امور كثيرة منها هاد العبارة.

فباش قال البيان ان دي مايو اشار إلى موقف إيطاليا من قضية الصحراء الغربية”، المعبر عنه في إعلان الشراكة الاستراتيجية متعددة الأبعاد، الموقع في 1 نونبر 2019 بالرباط”.

طبعا هادي هي الواقعية. راها اسمها الصحراء الغربية ومزيان الخارجية تسميها بهاد الاسم بهاد الطريقة تضرب البوليساريو. تضرب الانفصاليين. اييه صحراء غربية ولكن راها فالجنوب المغربي.