كود سبور//

كيواصل الدولي المغربي وليد شديرة التألق مع فريق باري فالطاليان، وربح جائزة من بعد البداية الواعرة ديالو هذا الموسم.

وفاز وليد شديرة هداف باري الطلياني بجائزة أفضل لعاب فالقسم الثاني ديال بطولة الطاليان فشهر شتنبر، وهاذشي وحسب فرقتو جا من بعد البداية المثيرة اللي دار هاذ الموسم واللي ماركا فيها 13 بيت و عطا 4 ليأسيست وجاب 2 ضربات جزاء وتم الاستدعاء ديالو للمنتخب الوطني المغربي.

وإلى جانب جائزة أفضل لعاب اللي تحصل عليها وليد شديرة فشهر شتنبر، فتم الاختيار ديالو أيضا ضمن تشكيلة الجولة 8 من بطولة القسم الثاني فالطاليا واللي ماركا فيها إلى حدود الآن 8 لبيوت.

وكانت تقارير طاليانية كشفت مؤخرا على فراقي كبار فالطاليان مهتمة بوليد شديرة ومحال يكمل العام مع باري، وأن من بين هاذ الفرق اللي باغيا الخدمات ديالو كاين إنتر ميلان وحتى ميلان ونابولي.