كود سبور//

أكد الناخب الوطني وليد الركراكي بلي العقلية اللي تغيرات فالمنتخب الوطني المغربي فطريقة اللعب وبداو كيقتانعو بها المغاربة، هي اللي كانت من ورا التأهل ديال ليكيب ناسيونال لثمن نهائي كأس العالم قطر 2022، وشدد بلي هاد ليكيب ناسيونال دابا ما خصهاش تنساق ورا التأهل والفرحة بهاد الإنجاز وخاصها تبقى مركزة.

وكشف وليد الركراكي فتصريح للموقع الرسمي ديال الاتحاد الدولي لكرة القدم الفيفا سبب تألق الأسود فكأس العالم وقال: “اللعابا تأهلو بهاد الطريقة اللي شفنا وقدمو كثر من دكشي اللي كنا كنتسناو منهم، على الأقل هاد الطريقة كانت فالعقلية ديالهم كلعبا وكان خاصنا نقنعو بها الجمهور وكان هذا تحدي ونجحنا فيه”.

وبخصوص دور ثمن نهائي المونديال قال الركراكي: “هاد المرحلة اللي فيها حنا دابا كتبغيك ما تنجرفش وراها وخاصك تحط رجليك فالأرض وتفكر شنو درتي فدور المجموعات باش تركز على ثمن النهائي”.