02/02/2023 08:00
جدارمية بني ملال لقاو باطوار كونتر بوند دگزار معروف وفيه لحم و2 بكْرات مراض ودابا يالله تشدو 5
كود سبور//
أصبح الناخب الوطني وليد الركراكي أول مدرب عربي وإفريقي كيوصل لربع نهائي كأس العالم، من بعدما نجح فقيادة المنتخب الوطني المغربي اليوم الثلاثاء، للتأهل الأول مرة فتاريخو للدور الثالث من المونديال وعادل إنجاز غانا عام 2010.
ونفرد وليد الركراكي بأحسن إنجاز ديال مدرب إفريقي فكأس العالم اللي كان كيتقاسمو مع مدرب السنغال أليو سيسي، من بعدما تأهلو بزوجهم فهاد النسخة لثمن النهائي وتقصات السنغال، وقدر يصبح بوحدو اللي وصل لربع النهائي من بعدما قاد ليكيب ناسيونال للفوز بضربات الترجيح على إسبانيا فثمن النهائي، وعزز أيضا، بلاصتو عربيا كأول مدرب عربي كيوصل لهاد الدور.
للإشارة فالجامعة الملكية المغربية لكرة القدم كانت عينت وليد الركراكي مدرب المنتخب الوطني المغربي قبل 3 أشهر من بداية كأس العالم قطر 2022، من بعدما حيدت المدرب البوسني وحيد خاليوزيتش اللي كانت عندو مشاكل مع اللعابا.
