وكالات//

المجرم جوزيف فريتزل، اللي معروف بـ”وحش القبو”، كينوي يطلق حملة باش يطلب الحرية الشهر الجاي، وايلا نجح هاد الطلب، ممكن يرجع للشارع هاد العام.

جوزيف كان تشد فـ 2009 بعدما ولد سبعة ديال الدراري من بنتو إليزابيث، اللي كان حابسها فـ لاكاف ديال الدار لمدة 24 سنة.

المجامين ديال فريتزل (اللي عندو 89 عام) قالو أنهم غادي يقدمو طلب للإفراج المشروط فـ الأسابيع الجاية حسب ما كتبات صحيفة “ميرور”، وهم واثقين أنه غادي يتطلق، حيث دار 15 سنة فقط فالسجن بسبب جرائمو.

قالو أنه دابا ما بقاش يشكل خطر على المجتمع بسبب حالتو الصحية الهزيلة وكبر السن ديالو.

محامية فريتزل أستريد فاغنر قالت لصحيفة “ديلي ميرور”: “غادي نبداو الإجراءات فـ مارس ونطلبو بالإفراج المشروط، وإذا المحكمة رفضات غادي نستأنفو، وبالنظر لحالتو الصحية أعتقد أنه غادي يخرج العام الجاي”.

وزادت وقالت: “هو بغا يعيش قرب المكان اللي كان ساكن فيه من قبل وبغا يعيش بوحدو، ولكن أعتقد أن هاد الشي غير ممكن بزاف نظرًا لسنّو وحالتو، هو محتاج واحد يساعدو، ولكن ما بغا حتى واحد من صحابو أو عائلتو يعرفو هاد الشي.