كود -وكالات //

حكمات محكمة أوسلو فالنرويج، اليوم الاثنين، على ماريوس بورغ هويبي، نجل ولية العهد النرويجية الأميرة ميت ماريت، بـ4 سنين ديال الحبس، بعدما تثبتات عليه جوج تهم ديال الاغتصاب، فواحد القضية اللي هزات الرأي العام فالنرويج وخارجها.

المحاكمة اللي دامت ستة أسابيع وسط متابعة إعلامية كبيرة، كشفت فيها التحقيقات على اتهامات خطيرة كتهم الاعتداء الجنسي، العنف، تعاطي المخدرات، ودانت المحكمة هويبي بالتعدو على الإكس ديالو، عاد مخالفات ديال الطريق.

وكانت النيابة العامة وجهات لماريوس، اتهامات بالاعتداء الجنسي على 4 العيالات بين 2018 و2024، وأكدو بعض الضحايا أنهم كانوا ناعسين أو ما قادرينش يقاومو الاعتداء.

ماريوس بورغ هويبي ما عندوش لقب ملكي رسمي، حيث هو والأميرة ميت ماريت من علاقة سابقة قبل زواجها من ولي العهد الأمير هاكون عام 2001.

وكتعتبر هاد القضية من أكبر الفضائح اللي واجهات الملكية فالنرويج فالسنوات الأخيرة، نظراً لارتباط المتهم المباشر بالعائلة.