وكالات//

قررات السلطات ديال النرويج تشد ماريوس بوغ هويبي، ولد ولية العهد ديال النرويج في الحبس، بعدما توجهات ليه رسميا تهم خطيرة ديال الاغتصاب.

على حساب ماقالت الصحافة ديال النرويج، فالمحكمة قررات أنها تحبس ولد ولية العهد ديال النرويج لمدة سيمانة في الحبس.

ولي عهد النرويجي، هاكون، بابات الولد المشدود، خرج في تصريحات صحفية رسمية وقال: “التهم لي كتتوجه لماريوس خطيرة بزاف، خاص البوليس والمحكمة يتعاملو معاها بالطريقة المناسبة”.

وشدو هويبي نهار الاثنين لي فات، وباه هو الوريث الجاي ديال العرش في النرويج.

ودارو البوليس واحد البيان قالو فيه إن هويبي دار علاقة جنسية مع شخص آخر مكانش في الوعي ديالو ومكنش قادر يقاومو.

وأكدو أن العلاقة الجنسية مكانش فيها إيلاج، ولكن الطرف الآخر أكد أنه تعرض للاغتصاب.

وداهم البوليس الدار ديال هويبي وخداو منو بزاف ديال الحوايج لي تقدر تعاونهم في لونكيط لي حلو في القضية.