گود سبور//

بدا قيس المتقي ولد الدولي المغربي السابق مهدي بنعطية (بدا) الكورة باختيار منتخب فرنسا.

وحسب جريدة “ليكيب” الفرنسية، اختارت فرنسا 18 لاعب باش يشاركو مع المنتخب الفرنسي لاقل من 15 عام، فأول نسخة من كاس العالم U15، اللي غادي تنظمها أذربيجان من 22 حتى 30 اكتوبر.

قيس المتقي ولد مهدي بنعطية، تزاد عام 2012، وكايلعب مع الفئات السنية ديال اولمبيك مارسليا الفرنسي، فين كان خدام باه العام اللي فات كمدير رياضي، ونفس النادي فين بدا فيه الكاريير ديالو كلاعب محترف.

للإشارة فمشاركة قيس بنعطية مع الفئات السنية لمنتخب فرنسا، ما كايعنيش انه صافي ما بقاش غادي يلعب مع المغرب، حيث يقدر يلعب مع المنتخب الوطني المغربي الاول فالمستقبل، بشرط يكون يعيطو له المغرب وهو يوافق.