وكالات//

صحيفة The Guardian البريطانية قالت أن ولد الملك ديال تايلاند، اللي دوز حياتو كاملا بعيد على بلادو، ديما كيقول أن المناقشات خاصها تكون مفتوحة على قبل النظام الملكي فالبلاد ديالهم، وقال أن القانون الملكي فبلادهم خيب بزاف.

فاخاريسورن فيفاتشاراوونغسي، ولد الملك، كتب فالفيسبوك الرأي ديالو على قبل النظام الملكي فبلادهم، وهادشي من مورا ما حضر لمعرض ديال التصاور فنيويورك لي داروه على قبل الناس المحبوسين بموجب المادة 112 من القانون الجنائي التايلاندي.

وبزاف ديال النشطاء المؤيدين للديمقراطية دارو احتجاجات ضد هاد قانون لي كيسيفط اي واحد سب الملك للحبس.