كود سبور//

أكد الدولي المغربي يوسف النصيري نجم فنربخشة التركي، أن المدرب ديالو البرتغالي جوزي مورينيو، كان عندو الحق ملي كان كايدافع عليه في أول الموسم ملي ما كانش كايماريكي.

وواصل النجم المغربي يوسف النصيري التألق مع فنربخشة وقاد الفريق لتحقيق رباح جديد ضمن منافسات البطولة التركية، وهذه المرة على فريق إسطنبول باشاك شهير، اليوم الاحد ضمن منافسات الدورة 16.

وماركا النجم المغربي يوسف النصيري 2 أهداف فهاد الماتش لفنربخشة من أصل 3 الأهداف سجلوها على اسطنبول باشاك شهير، فماتش سالا بنتيجة 3 لواحد، وبهذا الرباح حافظوا فنربخشة على المركز الثاني فالبطولة التركية، برصيد 35 نقطة، على بعد 3 نقاط من المتصدر گلطة سراي.

تألق يوسف النصيري مع فنربخشة والرجوع ديالو للتسجيل، أكد من خلالو النجم المغربي أنه ما كايخيبش فيه ظن المدربين اللي كايديرو فيه الثقة، حيث قبل من مورينيو اللي جابو لفنربخشة ودافع عليه ملي كان في مرحلة فراغ، كان الناخب الوطني وليد الركراكي كايدافع عليه قبل مونديال 2022، ملي كان ديك الساعة النصيري يمر بمرحلة فراغ مع الفريق ديالو السابق إشبيلية الإسباني ودافع عليه الركراكي وتألق فمونديال 2022، وكان من العناصر اللي ساهمت في تحقيق الأسود الإنجاز التاريخيّ بالوصول إلى نصف النهائي.