كود الرباط//

قال علي رضى زيان، ابن النقيب المعتقل محمد زيان، في اتصال مع “گود”، بأنه عكس ما ورد في بلاغ مندوبية السجون، فإن الوالد ديالو كان إلى حدود الساعة الثالثة من مساء الجمعة مضربا عن الطعام.

وأوضح ابن زيان لـ”گود”، بلي آخر زيارة دار للأب ديالو فالسجن كانت نهار الجمعة لأن السبت والأحد مكتكونش زيارة، مشيرة بلي فديك الساعة الأب ديالو مضرب عن الطعام فالعشية، في حين أن بلاغ إدارة السجون كيقول بلي وقف الإضراب فالصباح.

وأضاف المتحدث بأن زيان قال له عكس ما تقوله مندوبية السجون، نافيا ما تم تداوله بخصوص رمي زيان للطعام على احد الموظفين.

وقال رضى زيان بلي كيتحدا ادارة السجون تخرج فيديو فيه الغوات ديالي على الاب ولا توبيخه، ونفس الشيء بخصوص حادثة ضرب ولا رمى شي حاجة على موظف السجن.

واوضح المصدر نفسه ل”گود” بلي ماشي من حق المندوبية تهضر باسم الاب ديالي وبلي العائلة والمحامي هوما الجهة الوحيدة المؤهلة باش تهضر باسم النقيب.

وتابع: “كنشكر الجمعية المغربية لحقوق الإنسان على دعمها الكامل لقضية زيان، وعلى مواقفها”.