الرئيسية > جورنالات بلادي > ولد دريس البصري تلاها لاجئ فمريكان وكيتسناه الحبس.. جريدة امريكية: كيسلخ مراتو وصيفطها لسبيطار و”هوملاند سكيوريتي” تدخل
17/06/2020 13:00 جورنالات بلادي

ولد دريس البصري تلاها لاجئ فمريكان وكيتسناه الحبس.. جريدة امريكية: كيسلخ مراتو وصيفطها لسبيطار و”هوملاند سكيوريتي” تدخل

ولد دريس البصري تلاها لاجئ فمريكان وكيتسناه الحبس.. جريدة امريكية: كيسلخ مراتو وصيفطها لسبيطار و”هوملاند سكيوريتي” تدخل

غيثة علام – كود//

جريدة “اسبين دايلي نيوز Aspen Daily News” الامريكية، كتبات فمقالها اللي نشرات ففبراير الماضي، ان المغربي خالد البصري (45 عام) تعتاقل وتم اتهامو بالعنف المنزلي في بتكين كاونتي فولاية كولورادو.

خالد البصري، هو واحد من ولاد دريس البصري، وزير الداخلية السابق، وذكرات الجريدة انه كيضرب مراتو المغربية، ودخلها لسبيطار، ماشي مرة ماشي جوج.

مرات خالد (27 عام) اكدات للبوليس انها جات هي وياه وولدهم لمريكان بفيزا توريست، وحتى وصلو وبلا مايعلمها من قبل قالها انهم غادي يبقاو هنا وغايدفعو اللجوء، وحيت هو ولد البصري غايقبلو الطلب. وبالفعل بقاو عايشين فمريكان وهاد السنين كلها وهو كيسلخ فيها، ومانع عليها اي نشاط خارج الدار، وماخلاهاش حتى تعلم اللغة.. السيدة مكتهدرش الانجليزية ومقطوعة على كولشي، حيت كتفهم غير شوية ديال الفرنسية والدارجة.

شخص من عائلتها عايش فواشنطن، هو اللي اتاصل بالبوليس وفسرلهم القهرة والعذاب فين معيشها البصري.

وبما ان السيدة بقات فمريكان ماشي بخاطرها، بل حيت راجلها بزز عليها اللجوء، وحرمها من الرجوع للمغرب فين عائلتها وحبابها، البوليس عيطو لمحققين ديال الامن الوطني “Homeland Security”، باش يدخلو على الخط، ويديرو خدمتهم.

لحد كتابة المقال، خالد البصري كان كيتسنى محاكمتو فحالة سراح، نهار 3 مارس، ولكن مع كورونا موحال واش يكون تحم عليه، وفالغالب تم التأجيل.

المقال الاصلي:

https://www.aspendailynews.com/news/homeland-security-consulted-in-aspen-area-domestic-violence-case/article_865a90ce-5529-11ea-ace9-fba46a6c3adb.html

موضوعات أخرى

09/07/2020 16:15

رحلة البحث على  جوج “تيست” فرضاتهم الحكومة للي بغى يدخل للبلاد. يستحيل يدارو ف48 ساعة والسريع خاصو 3 ايام وبالموعد وثمنهم 40 الف ريال 

09/07/2020 16:00

بالفيديو. بلافريج لـ”كود”: الحكومة نقصات 5 ملايير درهم من ميزانية الاستثمار فالتعليم ورفعات يدها.. وها الايجابي فقانون المالية التعديلي