وكالات//

هزو ولد براد بيت وإنجلينا جولي بالتبني، لي سميتو باكس، للسبيطار بعدما دار كسيدة بالموطور ديالو في مدينة لوس أنجلوس.

على حساب مقال موقع TMZ الميريكاني، المتخصص في أخبار المشاهير، فولد النجوم ديال هولويد كان سايق الموطور ديالو وهو يدير بيه كسيدة.

وأكد أن باكس مكنش لابس الكاسك الشي لي خلاه يتصاب في راسو وكتفو.

وكتقول أن الموطور دخل ف الطوموبيلة ديال واحد السيد، لي دار معاه الواجب ووقف حتى جاو البوليس.