الوالي الزاز -كود- العيون////
[email protected]

أعلن الرئيس الموريتاني، محمد ولد الشيخ الغزواني، رسميا عن ترشحه للإنتخابات الرئاسية المقبلة اللي غادي تنظم بتاريخ 29 من شهر يونيو الجاي.

ووجه محمد ولد الشيخ الغزواني رسالة للمواطنين الموريتانيين يعلن فيها عن ترشحه للرئاسيات الموريتانية، وهدر فيها على إنجازاته والإصلاحات اللي وقف عليها في الفترة الماضية، وكذا مجموعة من الأهداف والوعود اللي تعهد بتحقيقها وتشمل مختلف القطاعات.

وتعهد الرئيس الموريتاني فهاد الرسالة المكونة من عشر صفحات أن ولايته النقبلة غادي تكون مخصصة للشباب الموريتاني، وأنه يتفهم المؤاخذات والإنتظارات ديال هاد الفئة.

وتوعد محمد ولد الشيخ الغزواني بأنه غادي يخدم على تعزيز استقرار البلاد وضمان أمنه ومواصلة العمل الدبلوماسي القائم على مبادئ حسن الجوار والاحترام المتبادل والتعاون المتوازن والمثمر، فإشارة لسياستو الخارجية مع محيط موريتانيا الإقليمي واللي كيضم المغرب والجزائر ودول الساحل.