الرئيسية > آش واقع > ولد الرشيد ناشط مع والي العيون الجديد لي حضر أول دورة من بعد مقاطعة بوشعاب ليها
05/03/2019 13:20 آش واقع

ولد الرشيد ناشط مع والي العيون الجديد لي حضر أول دورة من بعد مقاطعة بوشعاب ليها

ولد الرشيد ناشط مع والي العيون الجديد لي حضر أول دورة من بعد مقاطعة بوشعاب ليها

الوالي الزاز -كود- العيون ////

Elouali.zaz.1987@gmail.com

صباح اليوم الثلاثاء انعاقدات دورة إستثنائية ديال المجلس الجماعي للعيون، بحضور والي جهة العيون الساقية الحمراء، عبد السلام بيكرات. الدورة لي ناقشات موضوع التعليم والصحة كانت أول مناسبة يظهر فيها الوالي الجديد فبلدية العيون وثاني نشاط كيحضرو ديال المجالس المنتخبة من بعد حضورو البارح لدورة الجهة لي غاب عليها رئيس جهة العيون حمدي “الصغير”.

حدث حضور الوالي لدورة البلدية عادي قانونا. ولكن لي ماشي عادي هو أنها أول مرة كيحضر ليها والي الجهة من بعد ما غاب عليها الوالي السابق يحظيه بوشعاب لأسباب معروفة للناس فالعيون ولي من بينهم التنافر بينو وبين ولد الرشيد لي كان واضح للعيان.

والي العيون الجهة الجديد عبد السلام بيكرات بان مبتاسم وناشط مع رئيس جماعة العيون حمدي ولد الرشيد، لي خصوا باستقبال زوين حضر ليه ولد محمد ولد الرشيد النائب الأول ديالو.

هاد النشاط والضحك كيبان نتيجة للحضور الأول لوالي الجهة لشي نساط رسمي ديال مجلس منتخب. و لي دايما كيكون حميم ولكن فاش كتبدا الخدمة كيبدا بنادم يغوبش. غير هوما الشخصين بيناتهوم قاسم مشترك هو التنمية. بجوجهم كيعتانقو هاد المقاربة وحاطينها فأولوياتهم.

ولكن مع هادشي خاص شي تابعين لبوشعاب وتريكتو يخلوهم يخدمو بعيد على التشويش ولكذوب لي كيروجو ليه من محراب القبيلة.

موضوعات أخرى

22/03/2019 15:47

العز ليك. فضيحة توظيف محمد بن سلمان للفنانين لمغاربة باش يقادو صورتو لمقودة. الفنان المشهور الشوبي ل”كود”: مبادئي تمنعني من العمل مع ال سعود