الرئيسية > آش واقع > ولد الرشيد ضرو انضمام حرمة الله للتجمع: ما غاديش نقول أغراس أغراس غادي نقول حك بعد حك بعد
10/04/2019 08:01 آش واقع

ولد الرشيد ضرو انضمام حرمة الله للتجمع: ما غاديش نقول أغراس أغراس غادي نقول حك بعد حك بعد

ولد الرشيد ضرو انضمام حرمة الله للتجمع: ما غاديش نقول أغراس أغراس غادي نقول حك بعد حك بعد

كود- الداخلة ////

ولد الرشيد ما تسرطاتليه إقتحام حزب التجمع الوطني للأحرار للصحرا وخصوصا الداخلة وباقي واحلة ليه تنظيم التجمع الوطني لأكبر تجمع حزبي فالداخلة.

ولد الرشيد ما تسناش بزاف باش يخرج ويدوي على التجمع الوطني للأحرار فاش قال في التدخل ديالو أمام مناصري حزب الإستقلال بأنه فأفق 2021 غادي تشوفو بزاف. وما غاديش نقوليكوم أغراس أغراس ولكن غادي نقوليكم “حك بعد حك بعد” وهي كلمة بالحسانية تفيد التأكيد والإصرار. كيهدر على شعار حزب الحمامة

منسق الجهات الجنوبية للإستقلال عارف بأنه فقد بزاف ديال القوة ديالو فاش مشا حرمة الله للتجمع الوطني للأحرار. لأن حرمة الله كان هو العقل المدبر والأكثر شعبية من الخطاط ينجا. لكنه وجه رسالة للأحزاب الاخرى لي وصفها بالمشوشين والمخرمزين قائلا “خاصكم تراجعو حساباتكم. جهة الداخلة ديال حزب الاستقلال وغادي تبقى كذلك”.

موضوعات أخرى