وكالات//

تخلّى مادوكس جولي-بيت، الولد الكبير ديال أنجلينا جولي و”براد بيت”، على اللقب المشهور ديال باه، وبان فـ الجينيريك ديال الفيلم الجديد ديال موّو باسم “مادوكس جولي”.
مادوكس، اللي عندو 24 عام، خدام كمساعد مخرج فـ الفيلم الدرامي Couture، واللي كتلعب فيه موّو دور ماكسين ووكر، مرا مريضة بسرطان الثدي، وكتتقاطع حياتها مع جوج عيالات خرين فـ أسبوع الموضة فـ باريس. الفيلم من إخراج أليس وينوكور وتعرّض لأول مرة فـ القاعات السينمائية الفرنسية نهار الأربعاء.
وقبل، كان مادوكس مستعمل اللقب “جولي-بيت” فـ فيلم Maria ديال 2024، اللي جسّدت فيه موّو شخصية المغنية الأوبرالية ماريا كالاس.
وماشي غير مادوكس اللي تخلّى على لقب باه؛ حتى بنتو زهرة حيّدات اللقب فـ 2023 ملي دخلات لجمعية نسائية وولات كتستعمل الاسم “زهرة مارلي جولي”، وشيلوه حتى هي حيّدات اللقب فـ 2024 وهي كتشارك فـ مسرحية، وبانو التوأم فيفيان ونوكس باسم “فيفيان جولي” فـ مجلة متخصصة فـ المسرح.