كود سبور//

خرج واحد من صحاب لاعب الوداد الرياضي أسامة فلوح، اللي دارو كسيدة، من الكلينيك اللي ناعسين فيه فالدار البيضاء.

وكشفت مصادر “كود” أن صديق لاعب الوداد أسامة فلوح اللي خرج اليوم من الكلينيك، واللي كان معه فالكسيدة، هو ولد عبد الوهاب رفيقي الباحث فالدراسات الإسلامية الملقب بأبو حفص.

نفس المصادر، أكدت أن ولد أبو حفص واللي حتى هو مضروب بسبب الحادث عندو إصابة فالوجه ديالو، وخرج من الكلينيك غير هاد العصر ومشى نيشان للجنازة ديال جاده (أم أبو حفص) اللي ماتت اليوم الخميس.