كود – وكالات//

حسب تسريبات دبلوماسية ولد المرشد الأعلى الإيراني اللي مات، علي خامنئي اللي مرشح يكون خليفة باه ، كان تعالج من “العجز الجنسي” حيت لقا صعوبة باش يلقى مرا يتزوج بها،
البرقيات الدبلوماسية المريكانية  اللي خرجات على ويكيليكس فلول ديال 2000، كتقول أن مجتبى خامنئي، اللي عندو دابا 56 عام مشا لندن باش يداوا فسبيطار ويلينغتون وكرومويل .

الضواصا كتقول ان العجز ديالو كان خاصو على الأقل يمشي  للسبيطار لمدة شهرين ديال المداوية والزيارة كل مرة، البرقية السرية كتقول: “الزواج ديالو من بنت رئيس مجلس الشورى السابق حداد عادل جا مورا جوج تزويجات ‘مؤقتين’ حسب القانون الإيراني، ولي وقع فوقت معطل من حياتو، بسباب العجز الجنسي اللي قدر فالأخير يداوا منو مورا ثلاثة زيارات طويلة لبريطانيا “.

و حسب القوانين الإيرانية الزواج المؤقت عندهم عادي حيت  الراجل يقدر يتزوج امرأة لمدة محددة مسبقاً، من ساعة حتى لشحال من شهر بلا تبعات قانونية ، فالأخير مجتبى قدر يولد دري حسب الوثائق اللي بانت واللي نشراتهم ديلي ميل لأول مرة.

مجتبى، شخصية غامضة شوية فالنظام الإيراني، كان دايماً مرشح باش يكون الحاكم الأعلى الجاي، قبل ما تقتل الضربة الأمريكية الإسرائيلية باه ومرت باه زهرة حداد عاد نهار السبت ولي هو فات منها مني مكانش فطهران .