كود -7sur7//

فمريكان طلع واحد تراند فشكل فـمجال جراحة التجميل، الناس بداو كيزرعو الدهون ديال الموتى، باش يكبّرو بها الصدر أو والمراود والحناك، هاد العملية ولات معروفة فالإنترنت باسم “فيلر الزومبي”، والدهون كاتكون معمّرة ومعقّمة، وكتباع تحت اسم ’’ألوكلاي‘‘.

العجيب فهاد العملية هو أنها ما كتحتاجش جراحة كبيرة ولا تخدير عام، البراوات كتدوم بين نص ساعة وساعة، والناس ما كيعانيوش من الألم، حتى الناس الرقاق اللي ما عندهمش دهون كافية، كيشوفوها حل مناسب ليهم.

الدهون جاية من متبرعين ماتو، اللي كانو وافقو يتبرعو بأجسامهم للعلم، ولكن هنا كاين مشكل أخلاقي، فاستمارات التبرع، الدهون ما كتكونش مذكورة، وكيبقى السؤال واش المتبرع كان غادي يوافق إلا عرف أن الدهون ديالو غادي تستعمل فتكبير المراود ولا الصدر.

بالنسبة للسلامة ديال هاد البراوات، الشركات كاتقول باللي الدهون معمّرة ومعقّمة، ولكن بعض الأطباء متخوفين حيت ما كايناش دراسات طويلة المدى على تأثيرها. والثمن غالي بزاف، كيتراوح بين 10,000 و100,000 دولار، والطلب كبير لدرجة بعض الناس كيخصهم يصبروا شهور قبل ما يديروها.