وكالات//

رفعو المدعين ديال 14 ولاية أميريكية دعوى قضائية ضد موقع التواصل الاجتماعي الصيني “تيك توك”، في آخر مظاهر التضييقات لي كتديرها ميريكان على هاد الموقع الشينوي.

على حساب مقالت بزاف ديال التقارير الصحفية الميريكانية، فالمدعين العامين وجهوا بزاف ديال التهم للشركة في الدعاوي لي رفعوها.

ومن بين هاد التهم هي أنها دارت مشاكل نفسية وعقلية للشباب، بالإضافة إلى أنها كتجمع معلومات عليها بشكل غير قانوني.

وجا في الدعاوي كذلك، أن “تيك توك” كتدير شي مواد “إدمانية” كتخلي الشباب لساعات طويلة وهوما كيدورو في الموقع.

ونفى ممثل على الشركة في ميريكان، فواحد البيان دارو، كل هاد الاتهامات، وقال إن الشركة مكتدير حتى شي حاجة من هادشي لي جا في الدعاوي.