وكالات//

حذرو بزاف ديال الأطباء في ميريكان من واحد الظاهرة بداو كيشوفوها مؤخرا وهي الانتشار ديال “الوجه الأوزيمي” وهو الوجه الرقيق لي كيبانو فيه العضيمات ديال الوجه كامل.

وعلى حساب مقال الجورنال ديال “دايلي ميل” البريطاني، فهاد التحذيرات جات بعد الانتشار ديال الأدوية ديال نقص الوزن.

ونقل الجورنال تحذيرات ديال خبراء التجميل كيقولو فيها أن بزاف ديال النجوم المشهورين ولاو كيعانيو من هاد الظاهرة بحال جون جودمان، وجيسيكا سيمبسون، وسكوت ديسيك، وشارون أوزبورن.

وكيقولو هاد الخبراء أنه من بين الأعراض لي كتبان فالوجه هي أنهم كيدخلو ليهم عينيهم وكخيرجو ليهم العظيمات ديال وجههم وكيبانو بحال الزومبي.

السمية ديال هاد الظاهرة جاية من واحد الدوا لي سميتو أوزيمبك زولي ولاو كيديروه بزاف ديال الناس خاصة المشاهير باش يضعافو.