گود سبور//

ولاو المنتخبات والفرق من إفريقيا جنوب الصحراء طايحين على نقطة ضعف الأندية واللاعبين المغاربة اللي هي “الفوطة”، وهاذ الشي من نهار فينال كأس أفريقيا بين المغرب والسنغال والواقعة الشهيرة ديال “الفوطة”.

اليوم الاحد فماتش الوداد الرياضي وعزام التنزاني فستاد دونور، ضمن كأس الكونفيدرالية الأفريقية ناض واحد من أعضاء الطاقم التقني ديال عزام ودخل فوطة للتيران وحطها حدا الشبكة ديالهم وهاذ الشي من بداية الشوط الثاني من الماتش أما الشوط الأول ما كانتش.

هذا الشي خلى جمهور الوداد يبدا يغوت، ومشى الكاتب الإداري للوداد إدريس مرحبا كايحتح عند مراقب الماتش وهما يتدخلو الكاف وحيدو الفوطة.