كود كازا ///

غادي يمثل هاد الصباح كازا 7 من اولاد لملايرية فكازا. 4 من هادو تحالو جنايات و3 دوزوهم للمراقبة القضائية. منهم حمزة حفيد لملايري والطاشرون ومول التكستيل الجامعي. حسب مصدر هاد لبراهش كيقراو فالمدرسة الامريكية. گاليهم راسهم باش يتفلاو يمشيو عند شي حد مضارب مع الدنيا كيبيع البيض. سطاو على لبيضات اللي عندو مشاو لوطوروت الفوق وبداو يلوحو البيض على مستعمليها. شرطة عين الشق البارح دارت بيان.

قالت باللي ول البارح الأربعاء 19 فبراير. تم توقيف 7 أشخاص “يشتبه في تورطهم في قضية تتعلق بالرشق بالحجارة وتعريض حياة مستعملي الطريق للخطر”.
وقال البيان باللي “مصالح الشرطة بمدينة الدار البيضاء قد توصلت بإشعار حول قيام مجموعة من الأشخاص بتبادل الرشق بالحجارة والبيض على مستوى أحد المقاطع الطرقية بضواحي المدينة، وذلك بشكل يمثل خطرا على المواطنين ويهدد سلامة مستعملي الطريق”.كما كشف البيان باللي كانو فكاط كاط شدو وحدة وباللي “سيارة أخرى لاذ سائقها بالفرار”.

دابا هادو اولاد لملايرية منهم ولد خو عراب الطاشرونات الجامعي شكلو عصابة. خططو وشفرو البيض ومشاو كيضربو الناس بالبيض. اليوم فالصباح نايضة قربالة. كيقولو باللي اميرة غادية. طبعا هاد الشي كذوب. القضاء غادي يدير خدمتو.

وفق مصادر “كود” فاحمد الجامعي خلى صلاة الجمعة وجا لمحكمة الاستئناف فكازا.