كود كازا //

قرر وكيل الملك بالمحكمة الزجرية ديال كاز مساء امس السبت ايداع اخت جيراندو وزوجها وابنائها وشخص آخر السجن المحلي عكاشة بتهمة المشاركة بالتشهير مع إحالتهم على هيئة الجنحي التلبسي. الجلسة الاولى تبدا الاثنين.

وكانت الفرقة الوطنية لشرطة القضائية حالت المتهمين 4 اللي دوزو الحراسة النظرية وبدا معاهم البحث التمهيدي باشراف النيابة العامة. هاد الشي جا بعد شكاية تقدم بها احد المواطنين كتهم مروجي صفحات على وسائل التواصل الاجتماعي .

بعد ما توصل الوكيل العام بالشكاية كلف الضابطة القضائية باجراء مجموعة من الابحاث الميدانية والتقنية. النتيجة اللي توصلو ليها هي ان هاد الشبكة متورطة بالتشهير. هادو توقفو فالناظور وقرر الوكيل متابعتهم فحالة اعتقال.