الرئيسية > آراء > وكالة سبوتنيك طالقا السلوكية على موعد تعيين الحكومة و”خفة” وهبي خلاتو يسبق الملك ويعلن على الموعد بحال ايلى ناطق باسم القصر
26/09/2021 11:00 آراء

وكالة سبوتنيك طالقا السلوكية على موعد تعيين الحكومة و”خفة” وهبي خلاتو يسبق الملك ويعلن على الموعد بحال ايلى ناطق باسم القصر

وكالة سبوتنيك طالقا السلوكية على موعد تعيين الحكومة و”خفة” وهبي خلاتو يسبق الملك ويعلن على الموعد بحال ايلى ناطق باسم القصر

احمد الطيب ـ كود الرباط//

وكالة سبوتنيك الروسية اللي معروفة انها باقي كتشتغل بـ”البروباكندا” واساليب الحرب الباردة في التغطيات الاعلامية، هاد الوكالة شحال من مرة طلقات فيها السلوكية والكذوب، كتبات هاد المرة بلي انفردت بموعد اعلان أسماء الحكومة المغربية.

هاد الموعد ف المقال لي كتباتو سبوتنيك، غير محدد اصلا، قالو من المرتقب يكون قبل 8 أكتوبر، وهو توقع لي عطاه ليهم عبد اللطيف وهبي، امين عام حزب البام. حيث قال :”من المرتقب أن يتم الإعلان عن أسماء الحكومة الجديدة قبل الثامن من الشهر المقبل أكتوبر”.

خفة وهبي خلاتو يصرح واخا ماشي هو لللي مكلف بتشكيل الحكومة، اضافة إلى أن اعلان اسماء الوزراء وتعيينهم بيد الملك، وتايكون هاد البروتوكول مرتبط بأجندة وبرنامج الملك.

كيفاش وهبي يعطي هاد التصريح، وهو ماشي ناطق رسمي باسم القصر ولا ناطق باسم التحالف الثلاثي المشكل للحكومة.

وسبق لـ”كود” أن نشرت بلي تعيين الحكومة غايكون فشهر اكتوبر، فالأيام الأولى من هاد الشهر بعد تشكيل مجلس المستشارين نهار 5 اكتوبر وقبل انعقاد اول دورة فمجلس النواب المنتخب نهار 8 شتنبر.

قيادي من التحالف الحكومي اوضح ل”كود” ان السليم سياسيا هو خروج الحكومة بعد تشكيل مجلس المستشارين.

القيادي اللي اكد ل”كود”٬ ان تشكيلة مجلس المستشارين اساسية للحكومة الجديدة.

 

 

موضوعات أخرى