وكالات//

فلت واحد الكاهن من الموت بمعجزة حقيقية داخل الكنيسية ديالو لي كاينة في “نورث برادوك” بولاية بنسلفانيا الأمريكية.

وهادشي جا بعدما هجم عليه واحد بالفردي وتقابل معاه وتيرا فيه، ولكن زكلو غير بشوية.

وبين واحد الفيديو نتاشر بزاف في الصحافة الميريكانية هاد الواقعة لي وقعات العشية ديال نهار السبت لي فات، ونقدرو نشوفو في الفيديو اللحظة لي وقف فيها خونا تيرا في الكاهن، ولكن عندو الزهر ماجابهاش فيه، قبل ما يتلاح عليه واحد من الحضور وشدو.

البوليس شدو المتهم، وقالو فواحد البيان بأنه اعتراف بصح بأنه حاول يقتل الكاهن بعدما قالت ليه شي أصوات في راسو يقتلو، وبالتالي استنتجو بأنه ماشي بعقلو ومريض نفساني.