كود -وكالات //

فالعالم اللي كنعيشوه اليوم، بزاف ديال المفاهيم القديمة بدات تتغير وتتفتح ليها بيبان جديدة، ومن بين هاد الأمور كاين المفهوم المتجدد ديال **”المدى الجنسي” (Sexspan)**.

هاد المصطلح كيعبر على الفترة الزمنية اللي كيقدر فيها الإنسان يبقى نشيط جنسيا وعندو الرغبة.

بزاف ديال الناس كيعتقدوا بلي الحياة الحميمية فتاريخ انتهاء محدد كيوقف مع تقدم العمر ولا مع بعض التغيرات الهرمونية، ولكن الواقع والتجارب الطبية كيتأكدوا بلي ما كاين حتى شي تاريخ فين  كيسالي رسمياً الحياة الجنسية، حيث القضية  كتفاوت بشكل كبير من شخص لآخر حسب الصحة، النفسية، وطبيعة العلاقة مع الشريك.

من الناحية الصحية، الحفاظ على الحميمية مع التقدم فالسن كيجيب معاه فوائد كبيرة ومتعددة للعقل .

من الجانب البدني، النشاط الحميمي المنتظم كيعزز صحة القلب، وكينقص من ضغط الدم، وكينشط جهاز المناعة بشكل ملحوظ.

زيد  عليه أنه كينقص الستريس مستوى هرمون الكورتيزول،شي اللي كيعاون على نعاس هادئ ومتوازن. بالنسبة للعيالات، الوصول للأورجاسم كيقوي عضلات الحوض وكيعاون فالمحافظة على التحكم فالمثانة، أما بالنسبة للرجال فالقذف المنتظم كيعتبر عامل مهم للوقاية وللحفاظ على صحة البروستات.

أما من الجانب النفسي والعاطفي، فالجسم خلال اللحظات الحميمية كيطرح هرمونات واندورفينات كتخدم بحال مضادات اكتئاب طبيعية، ويبقى مفعولها ممتد لعدة أيام. هادشي كيزيد من التلاحم مع الشريك، كيعزز الثقة بالنفس، وكيعطي إحساس عام بالرضا على الحياة والتوازن النفسي.

وخا هاد الفوائد كاملة، باقي المجتمع كيطيح فبزاف ديال الأوهام والنظرات السلبية تجاه جنس كبار السن، وهاد الوصمة الاجتماعية كتخلي بزاف ديال الناس يتحشموا ولا يهمشوا الصيانة ديال صحتهم الحميمية، وهادشي كينتج عليه أحياناً نقص فالتوعية وحتى انتشار بعض الأمراض فصفوف المتقاعدين.