الرئيسية > آش واقع > وقتاش تفتح دولتنا حدودها لمشجعين مغاربة يمشيو للكاميرون يدعمو الاسود. شوفو اش دارت مصر
16/01/2022 12:30 آش واقع

وقتاش تفتح دولتنا حدودها لمشجعين مغاربة يمشيو للكاميرون يدعمو الاسود. شوفو اش دارت مصر

وقتاش تفتح دولتنا حدودها لمشجعين مغاربة يمشيو للكاميرون يدعمو الاسود. شوفو اش دارت مصر

كود مصطفى الشاذلي ///

البارح شفنا مصريين فالتيران فماتش بلادهم ضد غينيا. جا 400 مصري فرحلة من القاهرة للمدينة اللي لعبات فيها مصر بالكاميرون الماتش الثاني ديالها فالكان.

هاد الجمهور وجدات ليه الدولة كلها. سفير مصر فياوندي على القنوات المصرية ووسائل الاعلام الرقمية والورقية كيوضح. هو اللي شرف على كلشي.

هدر على دور الدولة فهاد الشي. كان فالتيران كان فالمدينة. كانو ناسو مع هاد الجمهور.

حنا علاش ما يمشيش الجمهور. ساهلة يمشي 400 مغربي لماتشات المغرب. هاد الشي غادي يحرك “لارام” شوية بعد هاد شهرين ونص من سدان الحدود. غادي يعاون اللعابة دياولنا باش يشوفو دعم بلادهم.

راه المغرب كيعلب تقريبا فتيران احمدو احيدجو فالكاميرون تقريبا بلا جمهور. عدد قليل بزاف.

قبل هاد الشي خاص هاديك الدولة تفتح الحدود ديالها. توقف هاد العبث اللي داخلة فيه. وزير الصحة كيخلع فكلشي وخاصو يخلص فضايحو كلها وتدبيرو لهاد لفضيحة. سدينا على قبال اوميكرون اللي دابا طالي الدنيا كلها.

موضوعات أخرى

28/05/2022 19:20

الغش فالامتحانات المدرسية.. “لابيجي” فوجدة حصلات شخص متلبس بترويج أجهزة لاسلكية كونطربوند وكارطات “VIP Pro” – تصويرة

28/05/2022 18:30

خطة المغرب لتصدير الهيدروجين الأخضر إلى أوروبا ما مفرشاش بالورد. دراسة هولندية كشفات أن تكاليف الإنتاج ديال الوقود غادي تكون أغلى 11 مرة من الغاز الطبيعي

28/05/2022 18:00

مدابزة خايبة بين جوج عائلات ففاس سالات بجريمة قتل.. قاضي التحقيق هبط اليوم 3 متهمين لحبس “بوركايز” والقتال فعمرو 77 عام