هند لكلاوي- كود//

كاين عائلات يجي منهم رباح، وكاينة طاسيلة باطمة لي كيزيدو يغرقو الشقف لدنيا، السيدة لي داخلة الحبس حيت كتدوز العقوبة على الفعايل لي دايرة. تعطلات باش تدخل گاع

الوقاحة ديال ختها ابتسام باطمة٬ حتى هي تشدات وولات من صحاب السوابق٬ فاتت الحدود وزعمات على الملك محمد السادس باش تطلب العفو الملكي لختها لي غارقة من راسها لساسها.

ول البارح دارت ستوري قالت فيه “المواطنة المحكومة بمخالفة جنحية بسنة سجنا نافدا لم يتم تمتيعها بالعفو الملكي الذي كانت تأمل فيه هي وعائلتها ومحبيها، دنيا التي دافعت منذ بدايتها على القضية الوطنية هاهي الآن في السجن تدفع ثمن الوطنية وتمغرابيت”.

اش جاب القضية الوطنية للحبس ديالها، واش جاب تمغرابيت بقضية حمزة مون بيبي لي شتت العائلات، واش جاب بسم الله للحمد لله. هادشي لي كتبات ابتسام لي حتى هي دوزات الحبس فنفس القضية خطير بزاف.

هاد سخونية راس كترجع بالبرودة. ومزيان الواحد يبقى يوزن كلامو، حيت جيب يا فم وقل را كترجع ببو مزوي.