كود اكادير//

حادثة غريبة فسوس، كلينيك مشهور فأكادير مبغاش يعطي تقرير طبي لأب طفلة توفات فهاد الكلينيك فظروف غامضة.

وحسب مصادر “گود”، فإن أب الضحية تلف خصوصا وأن بنتو كانت غادير عملية جراحية حول اللوزتين (الحلاقم) ديالها لبارح، حسب وثائق توصلت بها “گود”، دخلت البارح وتوفات فنفس النهار.

هاد الكلينيك اللي معروف باسم “الهدى” مبغاش يعطي تقرير طبي لأب الضحية، واخا الضوسي تدخلو فيه برلمانيين ومنتخبين، لكن الكلينيك كيتحدا كولشي.

الكلينيك عطا الطفلة للي ماتت لباها مع وثيقة مافيهاش تفاصيل حول تسليم الجثة. لكن الأمور دبا تطورت والعائلة كطالب بالتشريح ويكون تحقيق فالنازلة.

مسؤولو الصحة بجهة سوس فراسهم اللي واقع، لكن باقي متحركوش.