كود طنجة//
وقعت مجموعة من عاملات الخياطة في حالة إغماء شديدة ونوبات صرعية، جراء مضايقات وأساليب استفزازية، أثناء مزاولة عملهن في مصنع نوفاكو فايشن للنسيج والألبسة، فمدينة طنجة، منتصف نهار يوم الخميس 13 يونيو الجاري.
هاد المعمل لي مولاه هو البرلماني البامي عادل الدفوف، يشهد احتقان وتوتر اجتماعي متزايد منذ عدة أشهر، بسباب رفض الإدارة ديال المصنع الحضور لجلسات المصالحة سوا فمفتشية الشغل الجهوية، أو المركزية على مستوى وزارة السكوري فالرباط، وهادشي سبق لكود نشراتو بالوثائق.
لكن هاد الأزمة عوض ما تلقى لها إدارة مصنع نوفاكو فايشن الحلول، سدات باب الحوار فمرة، وقالت للنساء العاملات لي ف جهدكم ديروه !!
ومن بعد الوقفة الاحتجاجية لي كانت الجمعة الفايتة، قبالة الفيلا ديال عادل الدفوف، مول المصنع، بدا مسلسل الانتقام، حسب رواية مجموعة من النساء العاملات لي هضرو مع كود.
وقال ممثل المكتب النقابي، إن هاد المضايقات والأسلوب الاستفزازي المتمثل في الضغط والإنذارات لأسباب واهية، والتمييز بين العمال القدام وجداد، والتوقيفات المتكررة بشكل مؤقت عن العمل، تزاد مع قرب مناسبة عيد الأضحى، باش العاملات لي عندهم أقدمية اكثر من 10 سنين، يقدموا استقالة ويضيعوا فسنوات الأقدمية.
يشار بلي وزير الشغل للي هو من نفس الحزب ديال الدفوف، ديما كيقول بلي كايتدخل باش يفك مشاكل العمال ووو وشحال من مرة قاد ليهم وضعيتهم. دبا فينك فقضية مصنع صاحبك فالحزب عادل الدفوف.
https://www.facebook.com/share/v/auHacFMr2M9g1U9b/?mibextid=WC7FNe
