الوالي الزاز -كود- العيون///
[email protected]

كيدير وفد صبليوني من جزر البليار زيارة لمخيمات تندوف، تلاقى فيها مسؤولين من جبهة البوليساريو.

وإستقبل زعيم جبهة البوليساريو، إبراهيم غالي، هاد الوفد الإسبانية اللي كيضم فصفوفه أعضاء المجموعة البرلمانية للتضامن مع البوليساريو، ومديرة التعاون و الهجرة بحكومة البليار، ورئيسة جمعية أصدقاء البوليساريو، فضلا عن حقوقيين إسبان، ودارو محادثات حول نزاع الصحراء وحضوره على الساحة السياسية الإسبانية.

وكتجي زيارة هاد الوفد لمخيمات تندوف فسياق بحث البوليساريو عن تعزيز حضورها فجزر البليار وفالبرلمان الإسباني، لاسيما فظل إحكام الطوق عليها بعد دعم الحكومة الإسبانية لمبادرة الحكم الذاتي كأساس وحيد لتسوية ملف الصحراء، وتراجع حضورها فالمشهد السباسب فهاد الجزر وهو الظاهر من خلال إنعدام أي أنشطة تبرز دعمها.

هاد الزيارة كتجي أيضا فوقت تبحث فيه جبهة البوليساريو عن داعم مادي فالصبليون يتيح منحها مساعدات إنسانية بعيدا عن هياكل الأمم المتحدة بحال المفوضية السامية لشؤون اللاجئين وبرنامج الاغذية العالمي لغرض في نفس يعقوب، لاسيما وأن هاد النوع من المساعدات موحه بالاساس لقيادة البوليساريو اللي اغتنت من خلالها، علما بأن المانحين نقصو بزاف فالمساعدات الإنسانية الموجهة لمخيمات تندوف.