محمود الركيبي – مكتب العيون//

أفادت مصادر مطلعة لـ”كود”، بأن وفد الأقاليم الجنوبية لي مشا يشارك فموسم مولاي عبد السلام بن مشيس بجبل العلم بالعرائش، تعرض لاعتداء وإهانة واتهام بالانفصال من طرف شي مسؤول بالعرائش.

وأضافت المصادر بأن الوفد لي كيمثل عدد من القبائل بالأقاليم الجنوبية، تعرض لإهانة من طرف هاد الشخص لي وصفوا كلامو بالجارح فحق أبناء هاد الوطن، وبقى يوزع عليهم اتهامات حاقدة كتوصفهم بالخائنين للوطن.

هذا وأكد مصدر لـ”كود”، بأن وفد الصحرا احتج بشدة وتأسف على مثل هاد التصرفات لي ماعندها أي معنى أو سبب باش توقع، وطالب الوفد باش يتحاسب هاد الشخص على الكلمات الجارحة فحقهم ولي وصلات لدرجة تخوينهم فبلادهم.