وكالات//

توفّات الفنانة المصرية نيفين مندور، اللي معروفة بدورها فالفيلم السينمائي الشهير “اللي بالي بالك” مع الفنان محمد سعد، صباح أمس الأربعاء، من بعد ما شعلات العافية في الدار ديالها فحي العصافرة فمدينة الإسكندرية.

وحسب ما قال مصطفى عطا الله، واحد من الجيران ديالها، فواحد المنشور ديالو ففايسبوك، الحريق بدا مع السبعة دالصباح، وطلع دخان كثيف بزاف، اللي تسبب فاختناق نيفين مندور (53 عام) داخل الشقة ديالها قبل ما توصل فرق الإسعاف.

وأكدّات مصادر إعلامية محلية بلّي من المنتظر الأجهزة الأمنية فإسكندرية تفتح تحقيق موسّع فهاد الحادث باش تعرف الأسباب والظروف ديالو.

وكانات نيفين مندور خدات شهرة كبيرة بدورها فشخصية “فيحاء” ففيلم اللي بالي بالك عام 2003، ورغم التوقعات اللي كانت كتقول إنها غادي تولّي نجمة سينمائية معروفة، إلا أنها غبرات على الأضواء لسنين طويلة وما قدماتش أعمال فنية أخرى بارزة.