وكالات//

ماتت أكبر مرة كبيرة في العمر على كوكب الأرض الجابونية توميكو إيتوكا والعمر ديالها 116 عام، على حساب ما جا في قناة NHK الجابونية.

ووضحات القناة ان الوفاة ديالها جات لأسباب طبيعية في دار ديال العجزة في مدينة آشيا بمحافظة هيوغو.

وتزادت توميكو إيتوكا في 23 ماي عام 1908 في مدينة أوساكا، وكانت هي الكبيرة في 3 ديال خواتاتها.

ومن هادي 30 عام، انتقلات لمدينة آشيا، وبعد ما ماتت أكبر معمرة في العالم في إسبانيا العام لي فات وعمرها تقريبا 117 عام، جات توميكو إيتوكا فبلاصتها، وكانت تُعد في السابق أكبر معمرة في اليابان.

في أكتوبر لي فات، ماتت أكبر معمرة في أمريكا إليزابيث فرانسيس والعمر ديالها تقريبا 115 عام.

++