كود الرباط//

فريق البام بمجلس النواب، حط رجل فالمعارضة ورجل فالاغلبية، وكيف توقعات “گود”، برلمانيي التراكتور دخلو فالحكومة وهجمو على التعديل الحكومي اثناء مناقشة مشروع قانون المالية 2025.

وحسب مصادر برلمانية، فإن البرلماني عزيز اللبار، عن دائرة فاس، دار مداخلة كلها نقد للحكومة واستغرب بشدة اعفاء خالد ايت الطالب من منصب وزير الصحة والحماية الاجتماعية، وزاد قالي بلي ايت الطالب كفاءة ماشي حيث فاشي.

اللبار لي مكيفهم والو ف قطاع الصحة، وللي ترأس المهمة الاستطلاعية حول صفقات كورونا راه زميلو فالحزب رشيد العبدي، هو لي دار تقرير كله فضايح. اللبار يبقا غير فقطاع السياحة لي كيفهم فيه.

وكيف ديما، حيث هو باطرون، اللبار دار مداخلة باسم البام فلجنة المالية اليوم، هجم على الحكومة بسبب عدم تجاوبها مع الخواص ودعمهم رغم انهم كيوفرو مناصب الشغل، واصفا الوضع بل “المنظومة لي  كتبيع القرد وتضحك عليه”.

وللي زاد قالو اللبار وخلا القاعة والحاضرين يتعجبو ومنهم للي كيضحك قال :”الشكوى لله غنسكت غنشد فمي”، هنا بدا يعاود نفس المشاكل.