الرئيسية > آش واقع > وضعية المغاربة الحاصلين فكندا.. ها كيفاش تعاملات معاهم القنصلية فمونتريال وفاعل مدني لـ”كود”: كان تواصل مزيان ومكانوش اخطاء بحال قنصليات اخرين
30/06/2020 07:00 آش واقع

وضعية المغاربة الحاصلين فكندا.. ها كيفاش تعاملات معاهم القنصلية فمونتريال وفاعل مدني لـ”كود”: كان تواصل مزيان ومكانوش اخطاء بحال قنصليات اخرين

وضعية المغاربة الحاصلين فكندا.. ها كيفاش تعاملات معاهم القنصلية فمونتريال وفاعل مدني لـ”كود”: كان تواصل مزيان ومكانوش اخطاء بحال قنصليات اخرين

كود الرباط//

ملف المغاربة العالقين بالخارج اللي عرف انتقادات كبيرة لوزير الخارجية بوريطة في تدبيره بالشكل اللازم و المسؤول، و زيد عليه الشكايات الكبيرة جدا ديال المغاربة العالقين بالخارج و حجم الفضايح لي عاناو و كيعانيو منها يوميا مع القنصليات ديالنا فهاد البلدان.

بوريطة لي خلى لهب العالقين بيد القناصلة والسفراء، منهم لي دارو خدمتهم ومنهم لي ولاو فضيحة بشكايات وفيديوهات وتسجيلات كاتهمهم بالتلاعب باللوائح ديال العائدين وهادشي طرحوه البرلمانيين مؤخرا.

بعض القنصليات لي خدمو، حسب شهادات المغاربة لي حاصلين فكندا ، بلاد بحجم قارة و لي فيها ما يقارب 600 مغربية و مغربي حاصل و باغي يجي بحالو … و خصوصا أن كندا فيها قنصلية وحدة و كاينة فمونريال..

“كود” ربطت لاتصال بعدد من المغاربة لي حاصلين فكندا، لي اغلبيتهم كيشكرو القنصل العام فؤاد قدميري و النائب ديالو سعيد العلام لي كيصفوه بولد و الكفاءة الوطنية الكبيرة .

والغريب أن اغلب هاد المغاربة لي حاصلين فكندا كيعاودوا نفس الاسم “السي العلام الله دار معانا مزيان وقف معانا”.

وصفي بوعزاتي فاعل سياسي ومدني و أحد نشطاء مواقع التواصل الاجتماعية و لي حتى هو حاصل فاوطاوا العاصمة الكندية، قال ل”كود” :”القنصل العام رجل تواصل بامتياز بمعية نوابه لي سهروا بشكل مباشر على حل مشاكل المغاربة العالقين بكندا و السي العلام كيبقى هو الجوكير الكبير ديال القنصلية المغربية بمونتريال”.

موضوعات أخرى

09/07/2020 16:00

بالفيديو. بلافريج لـ”كود”: الحكومة نقصات 5 ملايير درهم من ميزانية الاستثمار فالتعليم ورفعات يدها.. وها الايجابي فقانون المالية التعديلي

09/07/2020 15:57

رحلة البحث على  جوج “تيست” فرضاتهم الحكومة للي بغى يدخل للبلاد. يستحيل يدارو ف48 ساعة والسريع خاصو 3 ايام وبالموعد وثمنهم 40 الف ريال 

09/07/2020 15:36

الدليل العلمي على حكومة التفاهة ماشي حكومة الكفاءة. رئيسها هربان وبيان وزير خارجيتها غادي يدخل التاريخ فالغباء

09/07/2020 15:30

واش المغربي قادر على إنجاح خطة التعايش مع كورونا؟ لطفي لـ”كود”: خاص نلتازمو باش متوقعش انتكاسة تردنا لمرحلة الإغلاق.. والكمامة ضرورية