كود – كازا ///

شاركت ملكة جمال فرنسا السابقة 2010، مليكة مينار وهي من أصول جزائرية، بزاف ديال التصاور من مدينة مراكش مع المتابعين ديالها ف منصة التواصل الاجتماعي إنستگرام.

عارضة الأزياء الفرنسية، واللي مثلت بلادها ف مسابقة ملكة جمال الكون 2010، خوات فرنسا وجات لمراكش باش تفوج مع راسها، بعدما تلقات ف 7 أكتوبر الفايت، تهديدات بالقتل.

وحسب مواقع إخبارية فرنسية، لقات ورقة ف بسكليت ديالها قرب محطة مترو ومكتوب عليها “شي واحد عندو السوارت ديال دارك وباغي يقتلك.. بدلي السوارات ديالك”.

التحريات ديال البوليس خلاتهم يعرفو من خلال كاميرات أن المشتبه به هو شخص كيعيش حالة تشرد ملقب ب “اللحية البيضا” ومعروف ف الحي بأنه مزعج أكثر من عدواني..

https://www.public.fr/News/Malika-Menard-menacee-de-mort-elle-quitte-momentanement-la-France-1788989