الرئيسية > كود-تيفي > وصلات ليه للعظم.. مدير مستشفى فتونس كيبكي ويغوت بسبب نقص الأكسجين لمعالجة المصابين بكورونا – فيديو
20/07/2021 22:00 كود-تيفي

وصلات ليه للعظم.. مدير مستشفى فتونس كيبكي ويغوت بسبب نقص الأكسجين لمعالجة المصابين بكورونا – فيديو

وصلات ليه للعظم.. مدير مستشفى فتونس كيبكي ويغوت بسبب نقص الأكسجين لمعالجة المصابين بكورونا – فيديو

كود – عن lalibre.be//

بان مدير مستشفى فتونس، ففيديو تبارطاجا على نطاق واسع على مواقع التواصل الاجتماعي، كيبكي بحرقة، حيت مابقاش عندهم الأكسيجين فالسبيطار.

هذا مدير ديال سبيطار كاين فمدينة ماطر، فشمال غرب تونس، تسالا فيه الأكسجين وهو هاز تقريبا 40 مريض بفيروس كورونا المستجد (كوفيد- 19)، والإمدادات ديال الاكسجين اللي كتعطى لهذ السبيطار قليلة بزاف.

بسباب هذشي السيد ماقدرش يصبر، وبدا يبكي ويشكي قدام كاميرا صحافي محلي، من بعد ما تسنى بزاف الكاميو ديال الأكسجين اللي تعطل بزاف.

وقال الصحافي، فتصريح ل”لوباريزيان”: “وقع هذشي الأحد، بعد الظهور، وكانو عائلات المرضى كيتسناو برا، متلهفين يشوفو الأكسجين وصل، لكن ماجاش الكاميو، وبان لي المدير كيبكي ويقول أن الاكسجين ماكاينش كَاع فحتى بلاصة فالسبيطار، وأنه يقدر يخسر المرضى”.

وسيمانات دابا والوضعية الوبائية فتونس منهارة، مع محدودية حملة التلقيح بسباب النقص اللي كاين فالجرعات، بحيث يالاه تلقحو 4 فالمية من التونسيين، فالوقت اللي معدل العدوى مرتفع والموت كترات، بمتوسط 160 وفاة فاليوم.

وواخا كاين حضر التجوال والحجر، السبيطارات كطيح فتونس بالحالات الخطيرة، وهذشي علاش الأوكسيجين بدا يقلال نهار على نهار.

وسافطات شي بلدان، ومنهم المغرب، مساعدات طبية لتونس، ومن بينها الأكسجين.

https://www.lalibre.be/international/afrique/2021/07/20/tunisie-un-directeur-dhopital-fond-en-larmes-desespere-par-le-manque-doxygene-S4ON4U6A45D3JOCEM6GKMSVNYM/?fbclid=IwAR3n6mFIlsWfBdJkBmf7nnaonSCUxBewAUyvFbEl6fIZc138c_PicTn8A80

موضوعات أخرى